Драги мои,сведоци сме на еден проблем со тутунопроизводителите кој прерасна во инструмент за политичка промоција на опозицијата со власта,сакајќи да профитира од туѓата си мака односно егзистенција.
Минатата година целиот род се откупуваше повеќе или помалку по 200 ден за кг. односно 95% во првата класа.Како цена е солидна но профитираа и тие чии што тутун реално небеше за таа цена,по квалитет и обработка на тутунот.Таа цена ја постигна најверојатно заради тоа што побарувачката на тутунот беше одлична па неколкуте комбинати си створија конкуренција и сите се бореа за да откупат што повеќе количина на тутун.
За да не се повтори истото оваа година,тутун. комбинати се договориле на неформален состанок да откупуваат по пониски критериуми и така да им го земат за помалку пари тутунот на тутунопроизводителите. Секако тоа е само една од можните причини поради која цената оваа година е незадоволителна.Другата причина која се зборува тука меѓу народот е дека опозицијата преку контролирањето на тутун. комбинати влијаела на нив да додјде до ова за да кај народот (кој не е малку) се појави незадоволство..протести…и на тој начин опозицијата да профитира со гласови.
Третата причина е позицијата со интерен договор има ќар од ваквата состојба.
Која е вистинската причина незнам,но чисто сакам да фрлам поглед на случуваањата.не сум активист на ниедна партија но мојата подалечна фамилија егзистира од тутун така да индиректно сум запознаен со целиот процес..
Она што најмногу ми смета е незадоволните а вредни тутунари кои се користат како предмет за пресметки,нагодби,поени… а јадните луѓе..од ова им зависи егзистенцијата..што ги доведува во незавидна положба.Утре ќе има протест..де факто..го организира опозицијата..зошто? За да собира политички поени? За да ги злоупотреби вредните тутунари? Безобразно! Кој оди на протест…воглавно членството на сдсм,плус луѓе кои имаат нужда..мака да отидат таму.Но нели може да се организира протест..али навистина..без партиски предзнак,без политичка асистенција..без зулуми..него да се искаже револтот,земјоделскиот,тутунскиот револт..поради овај или оној проблем..зошто да се напаѓа еден а да се воздигнува друг? Тука имаме проблем којшто треба да се реши..во интерес на вредните тутунари..кои од рано утро им се поклонуваат на грутките…тие и нивните малолетни деца..па тоа е тешко драги мои..откако знам за себе им се поклонувам и јас….сега веќе не..но уште понекогаш ми доаѓа горчливиот вкус на храната вкусена во оброците во текот на работата..да тутнопроизводството е тешко…но производот е вреден,производот се бара..производот скапо се продава надвор..од производот имаме солиден девизен прилив..сето тоа стои.
Ми смета политичката конотација на проблемот,ми смета да се буни опозицијата..која ама баш никогаш не им дала ништо нарочито на земјоделците,ми смета подмолното обвинување на некојси..само и само да се земат политички поени од вредните тутунари..па нив не ги интересира политика..нив тоа не им треба..опростете му на луѓето кои ги даваат на телевизија и се гневни.. гневни затоа што се излажани,изманипулирани..а резултат на тоа е беден живот..тежок живот.Да се разбериме..и да им се плати по 200 денари,верувајте..ке живеат подобро..но нема да излезат од калта…повторно ќе бидат тутунари,повторно ќе им се поклонуваат на грутките…само што ете ќе живнат малку..но нели..вредни се и заслужуваат..никој од нив нема да купи мерцедес со тоа..никој нема да оди на шопинг во Солун…тие парите ќе ги потрошат тука..за нивните деца,за нивните животи…
На крај вредно е да се напомени дека оваа влада е прва која го субвенционира тутунопроизводството и им дава по 60 ден за килограм тутун што добар стимул за производителите,тоа несмее да се заборави,тоа несмее да се занемари..
И посакувам на владата да го реши овој проблем достоинствено и сигурно и јавно да ги покажи виновниците за ова,искрено се надевам дека таа не е директниот виновник и дека сепак на крај тутунарите ќе бидат оние кои ќе бидат задоволни..тие и најмногу го заслужуваат тоа…
Во продолжение ќе го објавам текстот на песната Тутуноберачите од Коста Рацин за да на некој начин им го доловам тутунопроизводството на оние кои незнаат како тоа изгледа…а и сите да се потсетиме кого злоупотребуваме за политичките ни поени!
Тутуноберачите
На кантар студен со туч го мерат
а можат ли да го измерат,
нашиот тутун – нашава мака
нашава солена пот!
Од темни зори на утрини летни
до никоја доба на вечери зимни
тој гладно пие тагата наша
и потта и крвта и снагата ни.
Жолт – жолти прави лицата бледни
и жолта гостинка у градите носи.
По утрини росни, по мугрите пресни,
наведени ничкум по полињата родни
зачмаени ние го береме.
Лист по лист кини
лист по лист нижи
лист по лист превртуј, притискај,
лист по лист милно, таговно реди
и на долга низа од капки пот
и надеж со клетва и зелена јад,
со коров поглед на очите матни
по кревките лисја жолтозлатни
прикаса горка на живот клет
нанижи безгласна а така јасна.
Та не знаеш ли?
Денот ли дојде тој да се мери –
мерка му нема, а в градите длаби
без да се запре, без дно да најде
не тага а клетва, и в очи матни
и не сакајќи сама се дига фуријата.
Кантарот носи лисјето златно
а в гради луто далгите беснат
на жолтата мака – на жолтиот тутун
на жолтата пот на рацете ни!
Коста Солев Рацин
liberte